ИНФЛАЦИЈАТА Е ОТПОРНА И УШТЕ Е ДВОЦИФРЕНА – Статистика во мај измери 11,3 отсто пораст на животните трошоци
Во мај сме имале стапка на инфлација од 11,3 отсто, јавува Државниот завод за статистика.
Тоа значи дека се уште имаме двоцифрена стапка на инфлација, петти месец по ред во оваа година, иако такви фантастично високи стапки на пораст на трошоците на живот имавме и во минатата година.
Стапката на инфлација од 11,3 отсто во мај, која, за волја на вистината, е пониска од априлската, која изнесуваше 13 отсто, но се уште покажува дека инфлацијата е прилично отпорна и не се намалува баш така лесно како што се очекуваше.
Народна банка на Македонија во неколку наврати ја зголемуваше каматната стапка на благајничките записи, токму со цел да се заузда високата инфлација, и оттаму постојано најавуваат дека будно ја следат состојбата, и дека ако има потреба, ќе се преземаат и дополнителни мерки.
Најмногу поскапеле рестораните и хотелите во мај годинава во однос на мај претходната година, и тоа за 18,3 отсто, а големи двоцифрени стапки на пораст на трошоците на живот има и кај мебелот и покуќнината, за 15,3 отсто, потоа за 14,6 отсто поскапеле храната и безалкохолните пијалоци, како и домувањето и водата, за 14,4 отсто.
Зголемување на трошоиците на живот има и во однос на претходниот месец, односно во мај гподинава во однос на април тие се зголемиле за 0,4 отсто.
Н.Н.Ф.
