ВМРО-ДПМНЕ: „Европеецот“ Маричиќ треба да знае дека во дипломатијата злоупотребувањето на амбасадори е скандал
Од ВМРО-ДПМНЕ реагираат на изјавата на вицепремиерот Бојан Маричиќ.
Тие му порачаа наместо да продава демагогии време е да почне да се занимава со реалната политика и вистинските проблеми на граѓаните.
„Едно е јасно, лагата дека власта има мнозинство за уставните измени се распрскува како меур од сапуница. Залудна им е кампањата дека оваа власт претставува некаков „европски фронт“, оваа власт е репрезент на криминалот и корупцијата!
Овој парламентарен состав нема мандат да одлучува за уставни измени, единственото решение се брзи избори на кои граѓаните ќе одлучуваат за се во оваа држава, вклучувајќи ги и уставните измени.
Маричиќ треба да е свесен дека уште многу малку ќе ужива во својата бифтек политика“, додаваат од ВМРО-ДПМНЕ.
