Владимир Путин додаде уште една земја на листата на „непријатели“
Русија ја додаде Норвешка на својата листа на странски земји кои извршиле таканаречени непријателски дејствија против руските дипломатски активности.
Овој потег доаѓа како одговор на протерувањето на дипломатите, што дополнително ги зголемува тензиите меѓу двете земји.
Норвешка, да потсетиме, го направи првиот чекор во април кога протера 15 руски дипломати поради наводна шпионажа. Оваа одлука предизвика незадоволство во Москва, а Русија одговори со протерување на 10 норвешки дипломати, што само го продлабочи јазот меѓу двете земји, пренесува N1 Хрватска.
Последниот потег на Русија, додавајќи ја Норвешка на листата на непријателски држави, има практични импликации за дипломатските односи меѓу двете земји. Според оваа листа, Норвешка ќе биде ограничена во вработувањето на локален персонал во Русија на само 27 лица.
