Владеачкото мнозинство ги повлече спорните измени на Закон за јавни набавки
Владеачкото мнозинство ги повлече од собраниска процедура спорните предлог измени на Законот за јавни набавки со кои лесно ќе се контролира и одредува составот на Комисијата за жалби по јавни набавки како независна институција.
Само неколку часа откако беше изгласана потребата од донесување на измени и дополнувања на законот за јавни набавки, предлогот е повелчен од страна на предлагачите, пратеници на ВМРО-ДПМНЕ, без образложени.
Според првите реакции на јавноста, до овој чекор на владеачката оартија доаѓа по силниот притисокот на стручната јавност кој оваа иницијатива ја оцени како намера за да се прекине мандатот на Државната комисија за жалби по јавни набавки, која е независен државен орган, и парламентарното мнозинство да избер нова. Измените на законот преку кои се прави ова беа донесени по итна постапка и без каква било дебата во законодавниот дом.
Според Лидија Петкоска, пратеничката на ВМРО-ДПМНЕ, тоа се прави заради заострување на критериумите за избор на претседател и членови на Државната комисија за жалби по јавни набавки. По повлекување на законот од собраниска процедура, во каква форма ќе биде повторно доставен, Петкоска во емисијата „Топ тема“ на Телма додаде дека тоа ќе зависи од поднесувачите.
Единствено вчера попладне беше изгласана потребата од носење на законот по скратена постапка. Планираното носење на законот по скратената постапка на законот, Петкоска го објасни со „фактот бидејќи станува збор за јавни набавки кои се клучен генератор на криминал и корупција во државата и сметаме дека не смее да се чека ни ден повеќе“.
Пратеникот на „Вреди“, Халил Снопче не знаеше да објасни што се случило во меѓувреме, но истакна дека штом има реакции од експертската јавност и невладините организации, истите треба да се земат во предвид и да се почитуваат.
Државната комисија за жалби по јавни набавки треба да се распушти по брза постапка и да се избере нова од страна на новото парламентарно мнозинство, изгласаа вчера пратениците од ВМРО-ДПМНЕ и од нивната коалиција, за предвремено прекинување на мандатот на членовите и на претседателот на овој независен државен орган.
