Владата го става Коридор 8 на мапата на Западен Балкан за ЕУ да нема забелешки
Извори од Владата брифираат дека министерот за транспорт и врски Благој Бочварски е на пат за Црна Гора, каде што Коридорот 8, на кој американско-турскиот конзорциум Бехтел и Енка ќе гради три автопати, треба документирано да се најде на мапата на главни коридори на Западен Балкан.
Со овој потег Коридор 8 треба да стене видлив за трансевропските мрежи и со тоа да се омекне ставот на ЕУ, каде што засега владее резервирано мислење за тоа дали треба по скратена постапка, односно со европско знаменце, да се носат спорните законски измени наменети за изградбата на автопатите од страна на изведувачот Бехтел и Енка.
Според узворите од Владата, засега нема официјална реакција од ЕУ пристигната до Владата, но во Секретаријатот за европски прашања кој го води вицепремиерот Бојан Маричиќ пристигнало писмо преку кое ЕУ бара детално објаснување за проектот, односно како Владата планира да го спроведе. Од кабинетот на Маричиќ рекле дека станува збор за кредибилен и транспарентен проект поддржан од специјален закон со кој автопатите треба да се изградат побрзо и поевтино.
Иако Делегацијата на ЕУ во земјава недвосмислено застана против европското знаменце на законските измени поврзани со изградбата на коридорите кои ќе ги гради „Бехтел и Енка“, иако Владата истите, со ЕУ знаменце, веќе ги достави до Собранието.
ЕУ реагираше дека европското знаменце не треба да се користи за скратување на јавните консултации или за решавање на процедуралните тешкотии во законодавниот дом.
А.К.
