Вирусна инфекција добиле ракометарките: Грција го прекинува настапот на „Трофеј Македонија“
Ракометната федерација на Македонија утрово соопшти дека женската репрезентација на Грција го прекинува настапот на меѓународниот турнир „Трофеј Македонија“.
Причината, како што информираат од РФМ, е вирусна инфекција која зафатила дел од грчките ракометарки. Федерацијата им посака брзо закрепнување и изрази благодарност за нивното досегашно учество и придонес кон турнирот.
На турнирот, покрај македонската репрезентација, настапуваат и селекциите на Египет и Тунис.
