ВИДЕО Возот поминал 70 километри без машиновозач
Индиските железници наредиле истрага откако товарен воз поминал повеќе од 70 километри без машиновозач.
На видеата на социјалните мрежи се гледа како возот поминува неколку станици со голема брзина.
Индиските железници наведуваат дека возот е запрен и дека нема повредени, пренесува Би-би-си.
Возот со 53 вагони, кој превезуваше иверка, беше насочен кон Пенџаб од Џаму и запре во Катуа заради промена на персоналот.
Официјалните лица велат дека тој почнал да се движи надолу по железничката пруга откако машиновозачот и неговиот помошник се симнале.
Возот се движел со брзина од речиси 100 километри на час и успеал да помине пет станици пред да биде запрен.
„Возот беше запрен откако службеник на железницата постави дрвени блокови на шините“, изјавија официјални лица за PTI.
Дрвените блокови помогнаа да се забави возот.
