ВИДЕО Страшен пожар на свадба во Ирак, 113 загинати, 50 критично – oткриенa причинaта
Најмалку сто лица загинаа, а 150 се повредени во пожар на свадбена прослава во областа Хамданија во ирачката провинција Ниневија, објавија рано утринава ирачките државни медиуми, цитирајќи Ројтерс. Локалните извори посочуваат дека бројот на жртви може да биде поголем.
Повеќе од 450 луѓе загинаа и беа повредени во пожарот на свадбата, според објавата на ирачката Црвена полумесечина на X, порано Твитер. IRCS е независна организација за хуманитарна помош во Ирак.
Наџим ал-Џубури, гувернер на провинцијата Ниневија, каде што избувна пожарот, претходно изјави дека сè уште нема конечен биланс на загинати, што укажува на тоа дека бројот на жртвите може да продолжи да расте. Заменик-гувернерот на Ниневија, Хасан ал-Алак, исто така претходно изјави за Ројтерс дека е потврдена смртта на 113 лица.
Пожарот бил предизвикан од огномет, сала направена од запаливи материјали
Пожарот, соопшти локалната цивилна одбрана, ја зафатил големата сала во која се одржувала венчавката, откако за време на прославата бил подметнат огномет. Видеото од местото на настанот на дописникот на Ројтерс покажува како пожарникари се искачуваат над изгорената зграда во потрага по преживеани.
Првичните информации покажуваат дека зградата била направена од многу запаливи и забранети градежни материјали, што придонело за негово брзо уривање, јавија ирачките државни медиуми. Станува збор за метален композит и немодифициран полиетилен кој предизвика пожарот брзо да се прошири, а се работи за истиот тип на надворешна обвивка што беше користена при изградбата на лондонската кула Гренфел. За потсетување, 72 лица загинаа во пожар во облакодер во 2017 година.
Според официјалните изјави, ирачките федерални власти и властите во полуавтономниот регион Курдистан во Ирак испратиле амбулантни возила и медицински тимови на местото на трагедијата.
На свадбата имаше стотици луѓе
