ВИДЕО Скандал на гробиштата во Синѓелиќ: Забетонирани и поместени гробови, семејствата обвинуваат за вандализам и изнуда

Шокантна глетка ги пречекала семејствата на починатите на градските гробишта во скопската населба Синѓелиќ. Наместо достоинствени вечни почивалишта на своите најблиски, тие затекнале забетонирани основи врз ковчезите, целосно поместени гробни места и нови парцели ископани на помалку од 50 сантиметри растојание.

Семејствата кои дошле да оддадат почит на своите најблиски сведочат за целосно непочитување на покојните и флагрантно нарушување на просторот. Сопруга на неодамна починат граѓанин ја опишува трауматичната глетка:

Таа додава дека просторот е толку нарушен што е невозможно да се пристапи до гробот без да се гази врз туѓи почивалишта.

Освен сквернавењето на гробните места, семејствата се соочуваат и со сериозни инфраструктурни проблеми. Неодамна, Општина Гази Баба го стеснила патот кој поминува над гробиштата, што создало директна опасност од одрон на земјиштето врз самите гробови.

Иако проблемот е очигледен, институциите си ја префрлаат топката:

Поради ваквото игнорирање, трошоците за изградба на неопходниот потпорен ѕид паднале исклучиво на товар на ожалостените семејства.

Од Акционерското друштво за погребни и придружни активности „Бутел“ засега одбиваат да коментираат како е направен ваков голем превид и како дошло до бетонирање и поместување на гробните места. Оттаму само кусо најавуваат дека ќе излезат со официјални информации во понеделник, по извршениот увид на терен.

Во меѓувреме, неофицијалните информации фрлаат дополнителен сомнеж врз целиот случај. Имено, спорните парцели се воделе како „ексклузивни гробни места“. Иако реалната цена на самото гробно место изнесува 12.000 денари, семејствата тврдат дека биле условени да платат суми кои надминуваат и 320.000 денари. За да ја добијат парцелата, тие биле принудени да се согласат изработката на надгробните плочи и споменици да ја изврши исклучиво АД „Бутел“.