(ВИДЕО) ПОЖАРИ ВО ГРЦИЈА: Гори на Халкидики, хеликоптери се борат со огнената стихија
Грците се борат со пожари на Халкидики.
Пожари во моментов беснеат на повеќе места во Грција, а според грчките медиуми еден избувнал и на Халкидики во Полигирос.
На помош на пожарникарите им пристигнале и хеликоптери кои интензивно се вклучиле во гаснењето на пожарот. Според информациите што ги пренесе Grtimes.gr, на Халкидики гори земјоделско земјиште, но засега не е загрозена ниту една станбена површина.
Противпожарната единица составена од 22 пожарникари со девет водени возила и хеликоптер кои помагаат од воздух е лоцирана и работи на местото на настанот. Голем пожар избувна во близина на Патра на Пелопонез.
Пожар избувнал и на островот Евија. Некои жители побарале евакуација.
На Крит избувна пожар во шумска област во Картерос, на падината над црквата Агиос Јоанис. Неодамна имаше пожари во предградие на Атина.
