ВИДЕО Осомничените за вчерашното убиство во Штип спроведени во суд

Вечерва во судот во Штип спроведени се сите пет осомничени за синоќешното убиство во кафе бар во Штип кадешто беше повреден 25-годишен државјанин на Турција кој подоцна во болница им подлегна на повредите.

Убиецот кој е исто државјанин на Турција е на 21-годишна возраст.

Откако го извршил делото, убиецот веднаш избегал од местото на настанот со возило „БМВ“, во кое биле присутни и уште четири лица.

Полициските единици, преку координирана акција, поставија неколку блокади на патот кон Скопјe за да го запрат возилото, додека покрај безбедносните сили, теренот бил следен и со дронови.

Кај наплатната рампа Миладиновци, возилото ја пробило полициската блокада и продолжило да се движи со голема брзина, но по кратко време било запрено.

Пиштолот што е употребен во убиството е пронајден. Обвинителството соопшти дека извршило увид на местото на настанот, ги обезбедило чаурите и другите траги што ќе бидат предмет на понатамошни испитувања, додека телото на жртвата е предадено на обдукција.