ВИДЕО: Објавена снимка од експлозијата во Белгород
РУСКИ воен авион случајно пукаше со муниција кон градот Белгород во близина на границата со Украина во четвртокот доцна навечер, предизвикувајќи експлозија и оштетувајќи згради, јави руската новинска агенција Тас, цитирајќи го Министерството за одбрана.
Локалните власти известија за голема експлозија во градот веднаш преку границата со Украина. Регионалниот гувернер рече дека две жени се повредени. „Додека авионот Сухој Су-34 на воздухопловните сили летал над градот Белгород, дошло до случајно испуштање на авијациска муниција“, рече Тас, објавувајќи го соопштението на Министерството за одбрана.
Су-34 е суперсоничен ловец-бомбардер. Не беше кажано за какво оружје станува збор. Министерството соопшти дека некои згради се оштетени и најави дека истрагата е веќе во тек, наведува руската агенција, а пренесува Ројтерс.
Момент “взрыва” в Белгороде. Похоже действительно грохнулась авиабомба и не разорвалась. До момента падения судя по всему слышен звук пролетающего самолета. Он и уронил? pic.twitter.com/RbgnDyJSpq
— IanMatveev (@ian_matveev) April 20, 2023
Гувернерот на Белгородската област, Вјачеслав Гладков, објавувајќи вонредна состојба, на Телеграм изјави дека на една од главните улици има кратер од 20 метри, без да прецизира што го предизвикало. Оштетени се четири автомобили и четири станбени згради, додаде тој.
Се појавија снимките
На видеата од местото на настанот се гледаат купишта бетон на улицата, неколку оштетени автомобили и зграда со скршени стакла. На едно од видеата се гледа автомобил наопаку на покривот на една продавница. Регионот Белгород е еден од неколкуте делови на јужна Русија каде цели како што се складишта за гориво и муниција беа потресени од експлозии од почетокот на руската инвазија на Украина на 24 февруари 2022 година.
На социјалните мрежи се појави видео од моментот на експлозијата. Најверојатно се работи за надзорна камера која снима над голема и прометна раскрсница. На видеото се гледаат автомобили кои ја минуваат раскрсницата, но потоа во еден момент се гледа дека нешто паднало.
Потоа се гледа густ чад, а автомобилите повеќе не минуваат низ раскрсницата. Потоа дошло до голема детонација. Според она што може да се види од снимката, од моментот на ударот до детонацијата поминало извесно време.
В Белгороде произошел взрыв, от которого на пересечении проспекта Ватутина и улицы Губкина осталась воронка радиусом 20 метров.
По словам губернатора, пострадавших нетhttps://t.co/NEfFG2TMUQ
📷: zhest_belgorod / Telegram pic.twitter.com/nDw8ttK6Yz— Медиазона (@mediazzzona) April 20, 2023
