(ВИДЕО) НЕВРЕМЕ ВО СЛОВЕНИЈА И СРБИЈА: Имаше силен ветер, паѓаше град и снег
Невреме денеска имаше и во Словенија. Регистрирани се силни налети на ветер, град и снег.
Агенцијата за животна средина издаде портокалово предупредување за југозападниот и централниот дел на државата поради силниот ветер. Температурите се намалија, а на места како и во Хрватска и за повеќе од 10 степени.
Во северна Словенија почна да се развива невреме, а врнежите ќе се интензивираат во следните неколку часа, пишува Агенцијата за животна средина, пренесува Н1.
„Во појасот од Горењска до Корушка се очекуваат врнежи од 30 до 60 милиметри. На повисоките места над околу 800 метри може да наврнат околу 20 сантиметри снег“, соопшти Агенцијата за животна средина на Словенија.
Силно невреме од Хрватска попладнето околу 15 часот пристигна во Србија, објави српски Мондо.
Засега врне поретко, а невремето е проследено со грмежи кои се прошируваат и во останатите делови од Србија и постепено се засилуваат.
Како што може да се види на страницата на Инстаграм „Хаилз Србија“, бурниот ветар крева прашина и ретко што може да се види на патот. Видливоста е намалена на речиси 0 метри во многу делови на Војводина.
