(ВИДЕО) КОНТРОВЕРЗЕН ФЕСТИВАЛ ВО ШПАНИЈА: Има повредени во трката со бикови
Илјадници луѓе учествуваа на контроверзниот шпански фестивал на трки со бикови.
Тие дојдоа на познатиот фестивал Сан Фермино во Памплона, Шпанија, а многумина од нив учествуваат и на централниот настан, контроверзната трка со бикови.
Повредени се осум лица, соопштија локалните власти. Учесниците трчаат по патека долга 875 метри, низ тесните улички на старата Памплона, пред шест бика што трчаат и се одгледувани специјално за оваа трка, која традиционално се одржува од 1592 година.
Секоја година активистите за животните-жртви протестираат за овој фестивал, но властите немаат намера да се откажат. Луѓе од цел свет доаѓаат да го следат фестивалот.
foto EPA
