ВИДЕО: Кој го испрати од дома првиот премиер Албанец?
Некогашниот претседател на Собранието, Талат Џафери денеска станува првиот премиер Албанец во Македонија.
Собранието денеска ќе ја одржи 141. седница со единствена точка на дневниот ред избор на влада на Република Северна Македонија.
ТВ Клан утрово го посети Талат Џафери во неговиот дом, а Џафери посочи дека порано било табу да се зборува дека Албанците се на чело на институциите, додека сега тоа е реалност.
„Мислам дека е навремено и не е доцна, поради фактот што процедуралните и формалните аспекти се утврдени со Законот за Влада. Со што се определува дека 100 дена пред одржувањето на изборите мора да има техничка влада, на која приоритет му е организацијата и непреченото одвивање на изборниот процес, а не само аспектите на владините овластувања и функционирањето на институциите. Верувам дека е во вистинско време и во вистински момент“.
Во продолжение погледнете кој и како го испрати првиот премиер Албанец од дома:
Преодната влада се избира на 100 дена пред изборите кои се закажани за 8 мај, а ќе функционира до изборот на новата влада. Две недели претходно ќе се одржат претседателските избори.
Ова е трета преодна или техничка влада од 2016 година наваму. Премиер на техничката влада во 2016 година беше Емил Димитриев, додека во 2020 беше Оливер Спасовски.
