(ВИДЕО) Кај Копривница има поплавени куќи и викендици
Словенија, но и делови од Хрватска деновиве се соочија со поплави, а Шодеричко езеро кај Копривница поради високиот водостој на Драва ги поплави куќите и викендичките. Потоа, водата ги потопи видиковецот, знаците и тоалетите во месноста Лазине. Оттаму доаѓаат фотографии од преносливи тоалети кои лебдат.
„Да се знаеше навреме, можеби дел од Драва ќе беше пренасочена, но мислам дека немаше многу да помогне. Сето ова е катаклизмично, шокирани сме. Нема помош, за жал“, вели Карло, кој има викендичка таму, за порталот еПодравина.
Еден од оние кои живеат во Содерица е Мишел, кој со неверување гледа на сцените од поплавата.
„Гледам со тага, не со лутина. На кого би му се налутил? Не е виновен човекот, туку природата и мораме да се справиме со тоа. Се сеќавам дека во 2014 година водата беше до рампата“, вели Мишел.
Словенците земаат слободни денови за да ги спасат своите домови кои се поплавени.
Словенечкиот премиер Роберт Голоб, изјави дека штетите од катастрофалните поплави изнесуваат неколку милијарди евра. Голоб вели дека приоритет е да се воспостави основна инфраструктура, како струја и вода.
