ВОНРЕДНА СОСТОЈБА ПОРАДИ ДОЖДОТ: Евакуирани 180 кичевчани, драма во Гостивар со заглавена мајка и деца

Обилните врнежи од дожд во текот на ноќта и претпладнево предизвикаа сериозни поплави и излевања на реките, особено во западниот дел на Македонија. Според најновиот извештај за состојбата до 12:30 часот, најкритично е во Кичевскиот регион каде се евакуирани 180 лица, додека во гостиварско се одвивала драма за спасување на заглавено семејство.

Најтешка е ситуацијата во Кичево, каде излевањето на Зајашка Река на улицата „Прилепска“ зафати голем број домови.

Во Гостиварскиот регион, излевањето на Сушичка Река и затрупаните канали предизвикаа поплави во населбите Циглана, Бањечница и селото Балиндол. Најдраматично било во селото Беловиште:

Во тетовскиот регион, дождот предизвика свлечиште на патниот правец Тетово – село Џермо, поради што сообраќајот е целосно блокиран. Истовремено, поради снежни врнежи, воведена е забрана за тешки товарни возила и автобуси на патот кон Попова Шапка. За среќа, водостојот на реките во овој регион засега е стабилен.

Ниту главниот град не е поштеден. Преку бројот 112 пристигнале бројни пријави за поплавени дворни места и подруми во приградските населби:

Екипите се на терен и работат на санирање на штетите, но врнежите и понатаму се интензивни, па надлежните апелираат на будност.