ВИДЕО Хеликоптер удри во хангар при обид да полета – повреден пилотот!
Хеликоптер Bell 407 со ознака N407SJ претрпе значителни оштетувања откако удрил во хангар при обид да полета од аеродромот Скајпарк (Skypark) во Баунтифул, Јута. Пилотот се здобил со лесни повреди.
Сениор офицер Шон Џоунс од Полициската станица на Вудс Крос изјави дека пријавата за несреќата пристигнала во петок во 8:49 часот наутро, по локално време.
Пилотот изјавил дека не дошло до механички дефект на леталото, а во разговор со него не биле забележани знаци на алкохолизираност или друга заслабена способност. Националниот одбор за безбедност во сообраќајот (NTSB) ќе ја спроведе истрагата за инцидентот.
