ВИДЕО ГОЛЕМ ПОЖАР ВО ВИНИЦА: Гори фабрика на „Макпрогрес“, на терен пожарникари од Виница и Кочани

Голем пожар избувна вечерва во еден од погоните на прехранбената компанија „Макпрогрес“ во Виница. Густ чад и пламен се издигаат над фабричкиот комплекс, а на терен се испратени повеќе противпожарни екипи.

Според првичните информации, во гаснењето на огнената стихија учествуваат екипи на Територијалната противпожарна единица (ТППЕ) од Виница, а на помош пристигнале и колеги од ТППЕ Кочани, како и членови на Доброволното противпожарно друштво од Кочани.

Во моментов, сите сили се насочени кон локализирање на пожарот и спречување на негово проширување на останатите објекти во кругот на фабриката.

Причините за избувнувањето на пожарот засега не се познати, ниту пак има официјални информации за големината на материјалната штета или за евентуално повредени лица. Повеќе детали од надлежните институции се очекуваат во текот на ноќта или утрешниот ден.