(ВИДЕО) Еве како Словенците спасија животни „заробени“ во фарма уништена од поплавите
Полицијата со хеликоптер спаси две прасиња во Словенија. Фармата е уништена од поплавите.
Екипажот на полицискиот хеликоптер, кој во најтешките моменти спасуваше луѓе од покривите на поплавените куќи и сега делугва на терен. Жители од околината на Љубно ја повикале полицијата. Една од тамошните фарми скоро целосно е уништена од разорната поплава, а на фармата преживеале само две прасиња, а полицијата сакала да ги пренесе на безбедно со хеликоптер. Полицајците поради тоа долетале на тешко пристапното место и ги подигнале животните, јавува „Н1“.
„Семејството кое во поплавите ја загуби практично целата своја фарма, штала и земјоделска механизација, а и домот им беше уништен, беше исклучително благодарно. На фармата имало и други животни, но преживеале само две свињи и една кобила, која сама побегнала“, соопшти полицијата.
Воздухопловната единица на полицијата деновиве превезува материјал кој е неопходен за санација во погодените подрачја. Шест луѓе загинаа во поплавите.
Меланија, сопругата на екс американски претседател Доналд Трамп, напиша дека нејзиното срце е со „издржливиот народ“ во Словенија, која беше погодена од најлошите поплави во историјата во изминатите неколку дена.
Словенија ќе добие над 400 милиони евра од Европската Унија(ЕУ). Но, и дел од македонските градови веќе одобрија парична помош за Словенија.
