ВИДЕО: Екипа на ТВ Телма попречена при известување од Судски совет
Екипата на телевизија Телма денеска при известување од Судскиот совет беше попречена во својата работа.
Имено, при вклучување во вестите, новинарот е спречен од страна на лица од обезбедувањето.
На катот каде што се просториите на Судски совет, оддалачен од салата на Судски совет, и пред затворената врата, каде што беше поставен линкот, лица од обезбедувањето се обидоа да го прекинат линковското вклучување и да го спречат јавувањето во живо со порака дека тука не смее да се снима.
Откако линкот беше прекинат од вработените на Телма, новинар и снимател, кои ја следеа седницата, било побарано да се легитимираат, иако при влез во објектот уредно се легитимира секој кој ќе влезе со приложување личен документ.
