ВИДЕО ДРАМА ВО ЗОО: Јагуар во 3 потези стигна до ѕидот, настана паника, посетителите почнаа да врескаат од страв!
Јагуар се искачи на ѕидот на заградата во зоолошката градина во Бразилија и само заштитните шипки го одвојуваа од посетителите!
Шокантниот инцидент, кој се случи во четвртокот, го снимила надзорна камера.
Од зоолошката градина наведуваат дека немало опасност за посетителите, но дека допрва ќе биде поставена електрична ограда.
На видеото се гледа дека јагуарот од дупката прв го набљудувал местото од каде посетителите ги фотографираат животните. Потоа наеднаш се качил на столбот на оградата со само три движења, но чуварот интервенирал и предаторот се повлекол.
– Јагуарот не го напушти заградениот простор. Се случило животното да се доближи до горната заштитна решетка, но немало никаква опасност за посетителите. Покрај постоечките безбедносни механизми, ќе биде поставена и електрична ограда која не претставува никаква опасност за животните или посетителите – соопштија од зоолошката градина.
