(ВИДЕО) ДРАМА ВО ГРЦИЈА: Си ја продал внуката, потоа се покајал, по што го убиле

Дедо си ја продал внуката за 6.000 евра, пo што се предомислил и тоа го платил со живот. 

Маж на возраст од 46 години од селото Дросеро кај Ксанти во Грција е убиен поради расправија за малолетно девојче во која се вмешани две ромски семејства. Како што пишуваат грчките медиуми, до расправијата дошло затоа што убиениот го прекршил договорот со убиецот, 37-годишен маж, кому претходно му ја продал петнаесетгодишната внука, за неговиот син.

Внуката наводно ја продал за 6.000 евра и таа требала да се омажи за синот на убиецот. Неколку недели по свршувачката на двајцата малолетници, дедото наводно се предомислил и ја однел внуката дома, но не ги вратил парите што ги добил, пишува Ксантинеа.

Се вели дека дедото на девојчето непосредно пред да го убијат, заедно со членовите на семејството, ја ограбиле куќата на осомничениот убиец, а потоа ја запалиле неговата и куќата на неговите брат. Снимката од пожарот ја објавиле на социјалните мрежи. Имало многу инциденти меѓу нив во селото.

На 19 март, четворицата мажи, таткото со два сина и зет, упаднале во куќата на жртвата. Тие влегле во неговата соба во која дедото спиел со сопругата, синот и четирите малолетни внуци и го застрелале со пет куршуми во стомакот. Со тешки повреди е пренесен во болница, но по операцијата починал. Сега семејставата се закануваат со одмазда. Заканувачки видеа објавиле и на социјалните мрежи. 

Фото: EPA-EFE/PANTELIS SAITA