ВИДЕО Домашен македонски еко-изум: Средство што го запира пожарот пред да се прошири
Вицепремиерот Љупчо Димовски, на својот Фејсбук профил објави видео од посебно огно отпорно средство од македонско производство кое претставува неоргански раствор изработен по нанотехнолгија на водена основа и е 100% еколошки производ.
Димовски пишува дека при висока температура се активира и поминува во агро гел.
„Посебно огно отпорно средство од македонско производство, претставува неоргански раствор изработен по нанотехнолгија на водена основа и е 100% еколошки производ. При висока температура се активира и поминува во агро гел.
Со негова соодветна апликација со распрскување преку атомизер или прскање со дрон во шумскиот етат превентивно се овозможува пресекување, гаснење и контролирање на пожарот.
Доколку се потврди неговата ефикасност и на поширок шумски простор или простор со висока и дехидрирана вегетација подложна на лесно палење ова средство би можело да има примена и во нашиот противпожарен систем, односно во превентивната заштита од опожарување на објекти од секаков материјал“, се вели во објавата на Димовски.
