ВИДЕО Црн чад над Битола – нема избор на Папа, но има избор на загадување

Додека светот со денови го следи коминот на Сикстинската капела, чекајќи да се појави белиот или црниот чад како симбол на изборот на нов Папа, денеска Битола имаше своја верзија на „конклавата“. Но, овојпат – без Папа.

Попладнево, густ црн чад се издигна од правецот на РЕК Битола, а загрижените граѓани ги преплавија нашите редакциски сандачиња со фотографии и видеа од оваа сцена. Наместо бел знак за нов почеток, Битола доби црн сигнал за старите проблеми.

Иронично, додека во Ватикан црниот чад означува дека нема избор за нов Папа, во Битола чадот од РЕК најчесто значи едно – нови пукнатини во системот.

Од РЕК Битола засега нема официјално објаснување за причината за црниот чад, но ова не е првпат вакви глетки да ја вознемират јавноста. Читателите на 4news.mk коментираат дека ова за нив станува „нормална појава“, но и понатаму бараат одговорност.

Во Ватикан, белиот чад е симбол на ново поглавје. Во Битола, црниот чад останува симбол на старите проблеми.