ШЕСТМИНА ПОЛИЦАЈЦИ СУСПЕНДИРАНИ ПОРАДИ НАСИЛСТВО ВРЗ ДВАЈЦА АЛБАНЦИ Ќе одговараат за кршење на работниот ред и на дисциплината
Против шестмина полициски службеници ќе биде поведена постапка за кршење на работниот ред и дисциплина и истовремено ќе бидат суспендирани од работа поради случајот со прекумерна употреба на сила врз двајца Албанци на возраст од 21 и 23 години. .
Одделот за внатрешна контрола, криминалистички истраги и професионални стандарди при МВР презел мерки и дејствија за настанот случен на 07.10.2026 за прекумерна употреба на физичка сила и нанесени телесни повреди врз лица од страна на полициски службеници при преземање на полициски овластувања.
„Од извршените проверки, обезбедените снимки од настанот и обезбедените изјави на лица сведоци на настанот, утврдени се низа неправилности при постапувањето на полициските службеници за што од страна на Одделот за внатрешна контрола, криминалистички истраги и професионални стандарди при МВР против шест полициски службеници ќе биде поведена постапка за кршење на работниот ред и дисциплина и ќе бидат изречени мерки за отстранување од работно место – суспензија“, соопшти Министерството.
Во однос на пријавите за кривично правните настани поднесени во Одделот за внатрешна контрола, криминалистички истраги и професионални стандарди и Секторот за внатрешни работи Скопје од страна на надлежните обвинителства се издаваат наредби за вештачење по кои се постапува.
По документирање на целокупниот доказен материјал ќе бидат поднесени соодветни поднесоци.
.
Извор: plusinfo.mk
