(ВИДЕО) Бугарски свештеник со крст сакаше да го спречи караванот на Зеленски во Софија
Бугарскиот свештеник Атанас Стефанов се обиде со крст да се испречи пред колоната на украинскиот претседател Володимир Зеленски во Софија. Видеото е од текот на вчерашниот дел од посетата, а полицијата успева да го оттргне од намерите да застане пред караванот.
Истиот свештеник на 5 јуни пред Претседателството на Бугарија го нападна поранешниот бугарски премиер Кирил Петков кога тој го враќаше вториот мандат за составување на влада.
Колоната на Зеленски минуваше низ раскрсницата пред софискиот универзитет. Колоната со огромна брзина помина покрај Стефанов. На снимката се гледа како полицијата веднаш реагира и го извлекува човекот од патот на колоната.
