(ВИДЕО) БОСАНЕЦ ГО ЗАГУБИ СИНОТ ВО ПОПЛАВИТЕ: Раскажа што се случило во рок од 15 минути
Мухамед Беговиќ од Јабланица го загуби синот во поплавите што рано утринава го зафатија градот.
Тој за порталот „Аваз“ изјави дека трагедијата се случила во рок од 15 минути.
„Во куќата беа синот, невестата, сопругата, внукот и внуката. Почнавме да излегуваме од дома. Синот одеше зад мене, малку се сврте и дојде голем бран. Веројатно беше три метри, синот само исчезна. Каде да одам сега? Освен синот, останатите успеале да преживеат. Ни помогнаа социјалните работници, сите сме згрижени, имаме каде да спиеме“, рече Беговиќ.
Телата на 19 жртви се извадени. Поплави зафатија делови од Босна и Херцеговина(БиХ).
