ВИДЕО Австралиска пратеничка мавташе со голем лосос на седница на парламентот
Австралиска пратеничка извлече и мавташе со лосос за време на парламентарна седница. Причината – нејзиното противење на предложените контроверзни закони кои имаат корист од фармите за лосос лоцирани во заштитен залив во Тасманија.
Пратеничката на Зелените, Сара Хенсон-Јанг, извади огромен лосос од пластична кеса додека ја испрашуваше својата колешка од Лабуристичката партија Џени Мекалистер, која ја претставуваше министерот за животна средина. По метежот предизвикан од постапките на Јанг, претседателката на парламентот Сју Лајнс побара од неа да ги отстрани донесените „реквизити“ од салата.
Предложените закони имаат за цел да го заштитат одгледувањето лосос во областа Маквари, плиток фјорд на западниот брег на Тасманија, кој е дел од светското наследство на УНЕСКО. Доколку биде одобрено, законодавството нема да дозволи да се оспорува присуството на рибни фарми во регионот.
Сепак, групите за заштита и Зелената партија се загрижени за загадувањето на водата од хемикалиите што се користат на фармите и нивниот ефект врз морската флора и фауна, вклучително и популацијата на загрозената морска лисица, која ја има само во заливите Мекквари и Батурст во Тасманија.
