(ВИДЕО) Авионот се урнал среде прометна улица, експлодирал, а сите патници преживеале! Мора да го погледнете ВИДЕОто од ова чудо
Неверојатна сцена се случила на прометна улица во нигериската престолнина Лагос – спортски авион паднал среде толпа, недалеку од бензинска пумпа, до резервоар, експлодирал, но – нема загинати!
Лесниот авион Jabiru J430 на компанијата Air First Hospitality & Tours леташе над фреквентната област Оба Акран во нигериската престолнина Лагос кога беше принуден принудно да слета во вторник околу 15 часот по локално време. И тогаш буквално се случи чудо, пренесува „Дејли мејл“.
Моментот на принудното слетување, кој заврши со паѓање на авионот на прометна улица и експлозија, е снимен на шокантно видео.
Како што може да се види, авионот при обидот да слета на улицата, прво удрил во бандера, а потоа прво паднал со носот на улицата, се превртел и експлодирал.
Инцидентот се случил во близина на бензинска пумпа, додека на соседната лента минувала цистерна.
Луѓето кои се нашле на лице место во моментот на експлозијата најпрвин почнале панично да бегаат на сите страни, но многумина брзо се вратиле да го изгаснат пожарот.
Во авионот имало две лица – пилот и патник – кои за чудо ја преживеале несреќата, соопшти нигериското биро за безбедносни истраги.
За целата ситуација да биде уште поневеројатна, на видеото се гледа како пилотот излегува од урнатините и заминува, иако повреден. Во фотогалеријата тој е на последната фотографија на која се гледа како шета со помош на двајца мажи.
Постојаниот секретар на Државната агенција за вонредни состојби во Лагос, д-р Олуфеми Оке-Осаниинтолу изјави дека сите повредени лица се пренесени во болница.
Тој претходно изјави дека хеликоптерот слетал на патот пред зградата на Обединетата банка за Африка во Лагос и дека четири лица се пренесени во болница.
– Во авионот имало две лица – рече Али Ибрахим Фаринлоје, координатор на Југозападната зонска канцеларија на Агенцијата за управување со вонредни состојби на Нигерија.
– Контролната кула потврди дека во авионот имало само две лица, а не четири. Три кратери на локацијата се создадени од удар со земјата -тој додаде.
Веднаш била покрената истрага за да се утврди причината за оваа неверојатна несреќа со среќен крај.