ВИДЕО Авион слета на автопат и се судри со автомобили: „Беше само неколку милиметри над нашите глави“
Две лица загинаа откако мал авион слета на автопат во југозападна Флорида во петокот попладне , при што се судри со две возила и го запре сообраќајот.
Брајана Вокер видела како крилото на авионот го влече автомобилот пред неа и удри во ѕидот.
„Бевме неколку секунди подалеку од автомобилот пред нас. Крилото го претвори автомобилот во прашина“, рече таа.
Вокер и нејзината пријателка го забележале авионот неколку моменти пред да удри на автопатот и застанале пред падот.
„Авионот беше само неколку милиметри над нашите глави . Нагло се сврте надесно и се лизна преку автопатот“, рече таа.
Од авионот потоа се слушнала експлозија со силен тресок , избувнале пламени, а делови од авионот биле расфрлани на автопатот.
„Тоа е неверојатно, како на филм. Секундите нè одвојуваа од смртта “, забележа таа, објави Гардијан .
Федералната управа за авијација го идентификуваше авионот како авион „Бомбардиер Челинџер 600“ и рече дека во него имало пет лица. Пилотот контактирал со контролната кула барајќи итно слетување, велејќи дека ги изгубиле двата мотори. Меѓутоа, контролната кула изгубила контакт, а потоа аеродромци забележале чад како доаѓа од автопатот на само неколку километри.
На местото на несреќата биле испратени противпожарни возила, а три од пет лица биле живи извлечени од авионот. Адам Фишер , портпарол на Канцеларијата на шерифот на округот Колиер, ги потврди двете смртни случаи.
Започна истрага за причините за несреќата , а прелиминарен извештај за причините за несреќата може да се очекува во рок од 30 дена.
