ВЕШТАЧКА ИНТЕЛИГЕНЦИЈА ЌЕ ИМ ПОМАГА НА МАКЕДОНСКИТЕ ЦАРИНИЦИ: Ќе препознава сомнителни пратки
На сите гранични премини поставивме модерен видео надзор и систем за препознавање таблички – едни од најнапредните во регионот. До крајот на летото, благодарение на грант од Кореја, ќе имаме нов систем за анализа на ризик и податочен склад кој со помош на вештачка интелигенција ќе препознава сомнителни пратки, објави Царинската управа.
Оттаму на фејсбук објавија дека работат на нов систем за контрола и истраги, кој ќе ни овозможи уште подобро менаџирање со случаи, но и технолошка поддршка за форензички анализи.
„Минатата година, како дел од акцијата „Шилд“ на Европол, успешно спречивме два меѓународни канали за нелегална трговија со анаболични стероиди – запленивме 600 кг супстанци штетни по здравјето на граѓаните.
Во соработка со Бирото за јавна безбедност, запленивме речиси 200 кг марихуана.
Во периодот од октомври 2024 до сега, поднесовме 65 кривични пријави за криминални дела со употребувани возила , коишто може да бидат употребувани и во криминални дејствија доколку нема евиденција при нивен увоз.
Вкупниот број на поднесени кривични пријави е на институционално највисоко ниво во последните 10 години.
Дел од клучните пораки на помошник директорот на Секторот за контрола и истраги Влатко Лакордов на настан на кој од страна на БЈБ беше презентиран Документот за проценка на заканите од сериозен и организиран криминал SOCTA 2025 во кој се содржани и податоци за откриени и спречени кривични дела од страна на Царинската управа“се вели во објавата.
