Вардар убедлив против домаќинот на отворањето на „Струшки турнир“

Епилогот на овој меч се виде уште по неколку минути во првото полувреме, кога Вардар поведе со 7-1. Оваа разлика ја негуваше до паузата, кога резултатот застана на 15-8 за 13-кратниот освојувач на турнирот.

Во вториот дел водството бргу стана двоцифрено со првите три гола на „вардарци“, па остатокот од мечот, тренерите Владо Недановски и Наум Танески го користеа за проверка на играчкиот кадар.

Се истакнаа голманите, Тутенковски кај Струга и Гогов кај Вардар со по осум одбрани во второто полувреме, при што домаќинот одбрани еден седмерец, гостинот три. Во првото полувреме Томовски запиша шест интервенции, а меѓу стрелците предводеше Ќосевски со пет, по него Срдановиќ и Петриќ со по четири, колку што имаше и најефикасниот „стружанец“, Бошњак.

Фото: Денис Дуковски / РК Вардар1961