Вјоса Османи бара Украина да го признае Косово
Косовските власти бараат Украина да ја признае нивната независност.
Косовската претседателка Вјоса Османи вчера изјави дека Косово ѝ е природен партнер на Украина и дека сега е време Украина да донесе „храбри одлуки“ за воспоставување „меѓудржавни односи“. По повод 32-годишнината од независноста на Украина, која ја организираа амбасадите на Косово, Вјоса Османи рече дека Косово е и ќе остане „силен поддржувач на слободата, суверенитетот и правата на Украина, против агресивниот и геноциден сосед“.
„Очекуваме дека Украина ќе му возврати на поддршката на Косово како независна и суверена држава и природен сојузник во овој регион. Војната ги зближи нашите народи и сега е време за храбри одлуки се воспостават и нашите односи“, рече Османи.
Таа вели дека рускиот наратив, кој случајот со Косово го зема како пример за оправдување на војната во Украина, „треба да биде отфрлен од сите и дека никој не треба да падне во оваа стапица на рускиот претседател Владимир Путин“. Германскиот амбасадор на Косово, Јорн Роде, ја поздрави поддршката на Косово за Украина. Првата украинска новинарка што се засолни на Косово, Људмила Макеј, во својот говор му се заблагодари на Косово, додека Приштина ја нарече свој втор дом. Украинските власти претходно кажаа дека Украина ќе ги зема во обзир сите фактори пред да донесе одлука дали ќе го признае Косово.
foto Facebook/Vjosa Osmani
