УЖАС ВО ЛЕСКОВАЦ: Со секира удрил човек по главата и избегал јавајќи коњ

Српската полиција од Лесковац трага по маж кој денеска со секира удри човек во главата и избегал од местото на настанот јавајќи коњ.

Двајца мажи наводно се скарале, а потоа се степале во улицата Караѓорѓева во населбата Славко Златановиќ.

„Напаѓачот потоа зел секира и со неа го удрил противникот во главата. После тоа, осомничениот скокнал на коњот и побегнал од местото на инцидентот“, изјави за „Информер“ извор од истрагата.

Брзата помош брзо реагирала и го пренела повредениот човек во болница. Лекарите констатирале дека нападнатиот нема сериозни повреди.