Утринава ова населено место се разбуди со само 4 степени!
Утрово граѓаните во Лазарополе се разбудија со температура од 4 степени.
Во Берово се измерени 5 степени, 7 степени во Маврови Анови, 8 во Скопје-Петровец и Попова Шапка, 9 во Тетово, Битола, Прилеп, Охрид, Претор, Крива Паланка.
Нешто потопло во Струмица, Демир Капија, Дебар, Крушево каде се измерени 10 степени.
11 степени се измерени во Штип, 12 во Кавадарци, 13 во Скопје-Зајчев Рид, Велес, Виница, 15 во Гевгелија, а најтопло било во Дојран каде се измерени 17 степени.
Времето денеска сончево со мала до умерена облачност. Ќе дува слаб до умерен ветер од северен правец кој вдолж Повардарието краткотрајно ќе засилува. Максималната температура ќе биде во интервал од 24 до 31 степен.
Во Скопје сончево со мала облачност и со слаб до умерен ветер од северен правец. Максималната температура ќе достигне 29 степени.
