Уставниот суд го одби барањето на Арсовска: Нема повреда на законите со ДУП за С3 16
Уставниот суд денеска едногласно донесе одлука да не поведе постапка за оценување на уставноста на Деталниот урбанистички план (ДУП) за градска четврт С3 16, кој Општина Ѓорче Петров го усвои на вонредна седница на 15 февруари 2024 година. Иницијативата за преиспитување на планот беше поднесена од градоначалничката на Скопје, Данела Арсовска.
Со ДУП-от се предвидува изградба на повеќе високи згради: една со 21 кат, една со 18 ката, четири со 16 ката, две со 14, шест со 11, седум со 9 ката, една шесткатница и девет згради со по пет ката. Урбаната трансформација ќе се случува на просторот од кружниот тек кај Порта Влае до гаражите на ЈСП „Скопје“, во близина на границата со Општина Карпош.Според иницијативата на Арсовска, завршната одредба од одлуката со која планот стапува на сила со денот на донесување, а се објавува во Службен гласник на Општината, е спротивна на принципот на владеење на правото. Таа посочи и дека одлуката не била објавена на веб-страницата на Општината, што ја прави формално-правно невалидна, а недостигало и позитивно мислење од Градот Скопје. Според неа, тоа е спротивно на Генералниот урбанистички план (ГУП) на Скопје 2012–2022 и може да предизвика еколошки и безбедносни последици.
Арсовска посочува и дека со планот е предвидена изградба што надминува за 2% од законски дозволеното, а дополнително се додаваат и производни капацитети од хемиската индустрија. Тоа, како што наведува, ја загрозува темелната уставна вредност – уредувањето на просторот и заштитата на животната средина.
Сепак, судиите на Уставниот суд оценија дека со донесениот план не е повреден ниту Законот за локална самоуправа ниту Законот за урбанистичко планирање, и одлучија да не поведат постапка
