Уште еден крипто милионер распарчен: Делови од телото пронајдени во одводот
Ноќта помеѓу 8 и 9 август во Софија се случи грозоморно убиство за кое е осомничен бугаринот Веско Валчинов, деловен партнер на жртвата, 41-годишниот Кристијан Пеев.
Телото го пронашле водоинсталатери кои дошле да го исчистат одводот, а бугарските медиуми пренесуваат малку подетална верзија на настанот кој го шокираше светот, пренесува „Н1“.
Бугарската полиција на прес-конференција пред три дена соопшти дека иако се уште нема докази дека учествувал во ликвидацијата на Пеев, Валчинов е осомничен дека криел делови од распарченото тело на неговиот убиен пријател. Сепак, тие потоа почнаа со нешто подетална оперативна работа, што доведе до приведување на убиецот.
Исчезнувањето на Пеев го пријавила сестрата на Кристијан на 10 август, пишува дневниот весник Труд. На местото на злосторството пристигнале истражители – задругата на улица Раковска и булеварот Васил Левски откако ги провериле двата телефона на исчезнатиот. Утврдено е дека престанале да работат на 8 август, а еден уред бил лоциран и откриен во близина на автосалон, пишува Тпортал.
Проверени се сите контакти кои ги имал на денот кога последен пат бил виден. Еден од нив бил со неговиот пријател Веско Валчинов. Од блокот во кој живее осомничениот е отстранета камера, при што е утврдено дека тој и Кристијан влегле во влезот во доцните попладневни часови на 8 август.
JUST IN : #Crypto millionaire Christian Peev, a 41-year-old US cryptocurrency investor has been found chopped up and flashed down the toilet by plumbers called to clear a block drain. pic.twitter.com/cJpdavXvbu
— Crypto News Updates (@CryptoNewsUpd8s) August 16, 2023
Следниот ден Валчинов сам излегол од истиот влез. Доаѓал дома и повторно излегувал неколку пати во текот на денот посетувајќи сомнителни места. Преку оперативната работа на полицијата тој е поврзан со Константин Суботинов кој е приведен и испрашуван. На распитот тој признал дека му помогнал на Валчинов да ги сокрие деловите од телото на Пеев така што некои од нив ги возел со својот автомобил до Витош и таму ги закопал. Кога сфатил дека полицијата му е на пети, Валчинов се обидел да се сокрие во хотел во Витоша, но неговата локација била следена на неговиот мобилен телефон.
Инспекторите собрале доволно докази за неговата вина и тој е обвинет за убиство.
Убиецот и жртвата биле пријатели и имале намера да започнат бизнис со криптовалути, но условот бил Веско да му ги врати долгот од 2.000 лева (околу 1.000 евра) на Кристијан.
Поранешниот келнер Валчинов претходно веќе два пати бил приведен. За време на сослушувањето, тој измислил различни верзии за бруталното злосторство, но сите се покажале лажни, според тестот со детектор за лаги. Портретот на осомничениот за убиството е направен во Полицискиот институт за психологија на МУП. Според експертите, тој е злобна и одмаздољубива личност. Ќе му биде извршено вештачење за да се утврди дали е здрав и дали е психопат или социопат.
Пеев е вториот крипто-крал кој е пронајден мртов во брутални околности во рок од еден месец. Деловите од телото на Фернандо Перез Алгаба беа пронајдени во црвен ковчег фрлен во Ingeniero Budge во Буенос Аирес на 23 јули, откако тој исчезна пет дена претходно.
На својот Инстаграм профил, Алгаба го истакна екстравагантниот начин на живот финансиран од крипто-инвестиции.
Фото: Принтскрин/Твитер
