Уништен е Рибарскиот прстен на папата Франциск: Што значи тоа?
Најважниот симбол на власта на папата – позлатениот рибарски прстен – е уништен.
Ритуалот го означува крајот на понтификатот на Франциск и симболизира дека Светиот престол е слободен.
Рибарскиот прстен е еден од најстарите и најсимболични знаци на папската власт. Секој понтиф го добива ова посебно украсие при стапување на должност. Кога неговиот носител ќе почине, прстенот се уништува.
Франциск беше скромен и инсистираше прстенот да биде изработен од вистинско сребро со позлата.
За неговите претходници, прстенот бил кован од злато. Рибарскиот прстен е украсен со ликот на апостол Петар, кој управува со чамец и фрла рибарска мрежа.
На него е изгравирано името на актуелниот папа – во овој случај, Франциск.
Зошто се уништува прстенот
Веднаш штом папата ќе почине, или како во случајот со претходникот на Франциск, Бенедикт XVI, кој доброволно поднесе оставка, во Ватикан започнува строго регулиран ритуал, при што прстенот игра клучна улога. Прстенот во никој случај не смее да остане во оптек.
Постојат големи ризици некој да го злоупотреби, да фалсификува наводно автентични документи или дури да се претстави како папа, пишува „Билд“.
Уништувањето на прстенот е обврска на т.н. кардинал-камерлинг. Тој е најважната личност во Ватикан за време на папската ваканција („Sedisvakanz“).
