Ули Хенес: Ако Кејн си остане на зборот, тогаш ќе дојде во Баерн!
Хенес, кој досега имаше лични средби со претседателот на Тотнем Даниел Леви, даде изјава со која го охрабри остварувањето на трансферот, но стави притисок врз Тотнем. Имајќи предвид дека јавно е познато дека досега разговараа со Кејн и со Леви, Хенес „ја префрли топката кај нив“.
„Кејн даде јаси сигнали дека одлукаа е донесена и ако остане така, тогаш ќе дојде во Баерн. Тој сака да игра меѓународен фудбал. Тотнем нема да биде активен во сезонава која претстои – за разлика од нашиот клуб. Сега има нова можност, да дојде во врвен клуб од Европа“, ја пренесе изјавата на Хенес, новинарот Максимилјан Кох.
На секој малку поупатен навивач јасно му е дека Кејн не е проблемот и тој уште утре би се преселил во Минхен. Оној што треба да се убедува е претседателот Леви. Тој досега ги одби понудите на Баерн од 75 и 80 милиони евра, според Хенес само за да задржува време.
„Леви е паметен. Како прво, мора да го доведеме до точка каде што ќе именува цена. Тој сам озадржува време, одличен професионалец е, доста го почитувам. Од друга страна, нема луѓе кои се занимаваат со ова од вчера“, рекол 71-годишниот некогашен генерален менаџер на Баерн.
Исто така не пропуштил да сподели дека веќе се запознал и со дел од семејството на Кејн, па се обидел да ги придобие и нив.
„Ми се допаѓаат советниците на Кејн, татко му и брат му, многу пријатни луѓе. Досега секогаш беа јасни за тоа што ветиле. Ако остане така, тогаш добри сме“, пренесе Кох во својот последен твит наменет на Хенес.
