Украина: Русите го нападнаа Киев со моќни ракети Кинжал, сите ги соборивме
Во најновиот руски напад врз Киев беа соборени 12 проектили и два беспилотни летала, соопшти украинското воздухопловство, а пренесува Си-Ен-Ен. Оттаму додаваат дека прелиминарните информации покажуваат дека се уништени шест воздушни балистички ракети Кинжал и шест крстосувачки ракети Калибр.
Неодамна, предупредувањето за воздушен напад беше укинато за градот Киев, поширокиот регион Киев, западните региони и некои централни региони на Украина. Kinzhal или Kh-47 се балистички ракети кои се лансираат од воздух и имаат дострел од околу 2000 километри. Тие се движат со околу 10 пати поголема брзина од звукот и носат боева глава од речиси 500 килограми.
