„УКРАИНА МЕЃУ НАЈКОРУПТИРАНИТЕ ЗЕМЈИ“: Словачкиот премиер побара гаранции дека помошта од ЕУ нема да биде проневерена
НОВИОТ Словачки премиер Роберт Фицо побара денеска, за време на дебатата со другите лидери на ЕУ за давање помош на Украина во износ од 50 милијарди евра, гаранции од Унијата дека овие средства нема да бидат проневерени, соопштија од кабинетот на Фицо.
– Украина е меѓу најкорумпираните земји во светот и затоа големата финансиска поддршка треба да биде условена со гаранции дека европските пари (вклучувајќи ги и словачките) нема да бидат проневерени – нагласи Фицо.
Фицо рече дека дел од тие средства треба да бидат наменети за реконструкција на инфраструктурата на Словачка долж нејзината источна граница со Украина, објави Ројтерс.
Денеска лидерите на ЕУ го продолжија самитот на кој разговараа за ситуацијата во Украина.
На првиот ден од самитот, лидерите усвоија декларација во која повикаа на „паузи“ во воените операции на Израел и Хамас и побараа отворање на хуманитарни коридори за да може итно потребната помош да се достави до Појасот Газа.
Како што претходно беше најавено, на самитот треба да се разговара и за ситуацијата во Украина, Сахел, како и за дијалогот меѓу Белград и Приштина.
