УЈП ќе излезе со информации од компаниите од нафтениот бизнис, но по празниците!

Управата за јавни приходи ќе излезе со информации од компании од нафтениот бизнис кои затајувале данок, но по празниците.

Ваква најава даде директорката Сања Лукаревска која посочи дека ѓдо полноќ треба да заврши пописот во уште една бензинска пумпа и дека станува збор за мрежа во која се вклучени и три добро познати бензински пумпи од различни региони во државава.

„Денеска до полноќ треба да завршиме со попис во една бензинска пумпа. Оди малку потешко соработката со даночниот обврзник. Целиот капацитет од Регионалната дирекција на УЈП во Штип ќе биде вклучен во спроведувањето на пописот. Станува збор за една посебна мрежа, но и за три познати бензински пумпи од различни региони од државата по што по завршување на пописот и по празниците ќе дадеме соодветно известување“, рече Лукаревска.