ЊУЈОРЧАНКА НА ХВАР ПЛАТИЛА ВЕЧЕРА ПОВЕЌЕ ОД 400 ЕВРА – „Храната е одлична, но цените…“, „Ама кога изедовте половина море…“
Туристите речиси секојдневно се жалат на високите цени во Хрватска, особено на Јадранот. Иако домаќините ги советуваат да ги проверат цените во ценовникот пред да нарачаат, изгледа дека се непријатно изненадени дури после ручекот…
Младата туристка Теона од Њујорк објави на TikTok и Instagram како била шокирана од сметката на Хвар. Според неа, таа по професија е блогерка која пишува за модата, убавината и патувањата.
Сметката изнесуваше 402,42 евра. Ја пофалила храната како одлична.
– Ова се случува кога ќе ја прифатите препораката на келнерот за мезе и главно јадење. Не праша и колку сме гладни, а ние рековме дека не сме премногу гладни. Се прашувам колку ќе беше сметката ако кажевме дека сме гладни – коментира разочараната њујорчанка. Сепак, таа го пофали сместувањето на Хвар како и самиот остров и напиша препораки.
„Градот е прекрасен. А Јадранското море е прекрасно сино“, покрај Хвар ги посетила и Корчула и Дубровник.
Додека некои корисници на социјалните мрежи се согласија со неа дека цените се претерани, имаше и такви кои ја критикуваа.
– Седнавте сред сезона во познат ресторан на топ локација, јадевте половина од чудата на морето и потоа сте изненадени од сметката – е еден од коментарите. Други додаваат дека никогаш не седнале во ресторан без да го погледнат ценовникот.
– Па, тоа не вреди ни 50 евра – ѝ напишала една туристка.
Курир.рс, 24 сата.хр
