ТВ21: „Добро бе секаде се пуши“, коментирал Ковачевски откако Грковска го покренала прашањето за Ахмети
Старото видео од Али Ахмети како пее во кабинетот на Артан Груби причина за расправии меѓу СДСМ и ДУИ. Како што дознава ТВ21, видеото кое беше објавено по повод роденденот на Али Ахмети, а снимено пред повеќе од три месеци, предизвикало реакции на затворена владина седница. На видеото се гледа кабинетот на Артан Груби, косовскиот пејач Илир Шаќири и како се пушат цигари во затворена просторија.
Расправијата започнала откако вицепремиерката за политики и добро владеење Славица Грковска ја отворила темата зошто се злоупотребуваат државни институции за приватни или партиски цели. А реакција имало и за пушењето цигари во затворени простории.
На ова веднаш реагирал и премиерот Димитар Ковачевски ѝ рекол „Добро бе, секаде се пуши“.
Грковска возвратиле „да секаде се пушти, но за овој случај има објавено видео и има доказ“
Премиерот повторно реагирал дека не може да следат по сите институции што се случува.
На ова реагирал и првиот вицепремиер Артан Груби одговарајќи на прозивките дека и тој има информации добиени од ДКСК и Обвинителство дека докази има и за функционери на СДСМ кои ги злоупотребиле своите функции.
