Турски државјанин убиен ноќеска во Скопје – осомничениот во бегство
Во текот на вчерашната ноќ во Скопје убиен е турски државјанин, информираше министерот за внатрешни работи, Панче Тошковски. Според неговите информации, во инцидентот учествувала поголема група на граѓани.
– Во конкретниот кривично правен настан имаме едно лице коешто е починато и едно коешто е потешко повредено, рече Тошковски, додавајќи дека во нападот бил искористен нож.
Истражните органи имаат едно осомничено лице, кое моментално е во бегство. Министерот не даде повеќе детали за да не ја наруши истрагата.
