ТРУПААТ ЗЛАТО: Две држави ги зголемуваат резервите
Две земји трупаат залихи со злато. Се работи за Кина и Турција.
Народната банка на Кина е најголем купувач на шипки. Оваа држава купи 23 тони злато. Кина постојано ги зголемува своите златни резерви веќе 12 месеци. Кинезите годинава веќе купиле 204 тони злато, а нивните вкупни златни резерви сега изнесуваат 2.215 тони.
Централната банка на Турција направи значителен откуп во октомври, купувајќи 19 тони за да ги зголеми официјалните резерви на злато (централна банка плус државни средства) на 498 тони.
Народната банка на Полска продолжи да ги зголемува златните резерви, купувајќи нови шест тони. Неjзините залихи на жолтиот метал годинава се зголемија за повеќе од 100 тони, а сега изнесуваат вкупно 340 тони.
Резервната банка на Индија, Чешката национална банка, Националната банка на Република Киргистан и Централната банка на Катар беа други значајни купувачи во октомври.
Централните банки на повеќе држави продолжија да купуваат злато, а само во октомври се набавени повеќе од 42 тони. Податокот стои во извештајот на Светскиот совет за злато. Извештајот е објавен минатата недела и покажува дека во октомври е откупено 41 отсто помалку злато во однос на септември, кога се купени вкупно 72 тони. Сепак, октомврискиот откуп и натаму е за 23 отсто поголем од просекот во првите девет месеци. Цената на златото изминатиов период растеше. Во регионот, Србија има најголеми количини злато, а зад неа е Македонија.
foto freepik.com/onlyyougj
