Трио „Анимато“ во магичната атмосфера на Лешочкиот манастир
На 18 септември 2025 година, со почеток во 19ч., во идиличната атмосфера на Лешочкиот манастир, каде се одржува Лешочкиот фестивал за камерна музика, ќе настапи познатото трио „Анимато”.
Трио „Анимато” е камерен состав, чија уникатност во изведбата и составот го вбројува во групата специфични и ретки состави, го сочинуваат: м-р Даниела Неделковска -флејта, м-р Симона Марочковска Манојловска – флејта и м-р Светлана Димитриевска – пијано, сите три професорки во ДМБУЦ „Илија Николовски – Луј”.
„Лешочкиот фестивал за камерна музика” е во организација на познатото дуо м-р Љубиша Кировски – виола и м-р Маја Шутевска Кировска – пијано, кои освен личен уметнички печат како камерно дуо, придонесуваат за развојот и значењето на камерното музицирање, даваат поттик на новите камерни состави во вонвременската и божествена атмосфера на манастирот „Лешок”.
