Третолигаш го продолжи чудото – по Баерн и Ајнтрахт патосира уште еден бундеслигаш (ВИДЕО)

Драмата да биде уште поголема, решавачкиот погодок на средбата беше постигнат во третата минута од судиското надополнување на крајот, со што пред овој тим падна уште еден бундеслигаш, откако претходно ги елиминира Баерн Минхен и Ајнтрахт Франкфурт. Составот од Менхенгладбах поведе уште во осмата минута со голот на Робин Хака, но домаќинот изедначи само три минути подоцна преку Наифи. Каи Брунер во 93. минута предизвика екстаза на стадионот и нова сензација за тимот од германската Трета лига.

Сарбрикен со ова дојде до пласман во полуфиналето во кое ќе играат против второлигашот Кајзеслаутерн. Во второто полуфинале ќе играат Баер Леверкузен и второлигашот Фортуна Дизелдорф, што е прв пат во историјата на германскиот Куп во оваа фаза да има само еден тим од Бундеслигата, а останатите три екипи да се од пониските лиги.