TРЕДС Е ВО ТРЕНД, УРИВА КОРИСНИЧКИ РЕКОРДИ: Се приклучи и Џеј Ло, конкуретот на Твитер е најбрзо растечка апликација во историјата
Tредс –
нова платформа создадена како конкурент на Twitter, развиена од Мета, привлече
повеќе од 100 милиони корисници за само пет дена, објави денеска сопственикот на Мета, Марк Цукерберг. Тредс на тој начин го надмина ChatGBT и
стана апликацијата која најбрзо допре до толку голем број корисници.
Апликацијата урива нови кориснички рекорди откако беше
лансирана минатата среда, а на платформата се приклучија познати личности како
Џенифер Лопез и Ким Кардашијан, што се смета за прва сериозна закана за Твитер,
кој е во сопственост на Илон Маск.
Твитер одговори на лансирањето на Tредс со закана дека ќе ја тужи Мета поради
апликацијата, велејќи дека гигантот на социјалните мрежи ги користел своите
трговски тајни и други доверливи информации.
Спринтот на Tредс
до 100 милиони корисници беше многу побрз од двата месеци на кои им беа
потребни ChatGPT во сопственост на OpenAI во јануари, што ја прави најбрзо
растечката потрошувачка апликација во историјата.
Според извештајот на компанијата во јули минатата година,
Twitter имал речиси 240 милиони дневни корисници кои можат да заработат пари од
нивната содржина.
Во моментов нема реклами во апликацијата Tредс, а Цукерберг рече дека компанијата ќе
размисли за монетизација само штом ќе се расчисти патот до една милијарда
корисници.
Експертите велат дека Tредс може да ги привлече корисниците на Твитер незадоволни од
неодамнешните промени на социјалната мрежа.
Tредс им
овозможува на корисниците да објавуваат до 500 знаци и има многу сличности со
Twitter. Платформата е достапна за преземање во повеќе од 100 земји,
вклучително и Обединетото Кралство, но сè уште не во Европската унија поради
регулаторни проблеми.
Мета, која е сопственик на Фејсбук и Инстаграм, ја нарече
новата апликација „почетна верзија“ и планира дополнителни функции како што е
можност за интеракција со луѓе на други апликации за социјално вмрежување, како
што е Мастодон.
EPA-EFE/CRISTOBAL HERRERA-ULASHKEVICH
